ഗൂഡല്ലൂര്‍: നാട്ടുകാരുടെ പ്രതിഷേധത്തിനിടെ പൊലിസ് സംരക്ഷണത്തില്‍ മദ്യശാലകള്‍ പ്രവര്‍ത്തനം തുടങ്ങി.
ഗൂഡല്ലൂര്‍ താലൂക്കിലെ ദേവര്‍ഷോലക്കടുത്ത നെല്ലിക്കുന്നിലും നെല്ലാക്കോട്ട പഞ്ചായത്തിലെ പാട്ടവയലിനടുത്ത് കാരമൂലയിലുമാണ് മദ്യശാലകള്‍ പ്രവര്‍ത്തനം തുടങ്ങിയത്. ഇവിടെയെല്ലാം മദ്യശാലകള്‍ സ്ഥാപിക്കുന്നതിനെതിരേ നാട്ടുകാരുടെ നേതൃത്വത്തില്‍ സമരം നടത്തിയിരുന്നു. എന്നാല്‍ ദേശീയ, സംസ്ഥാന പാതയോരങ്ങളിലെ മദ്യശാലകള്‍ മാറ്റണമെന്ന സുപ്രിം കോടതി ഉത്തരവിനെ തുടര്‍ന്നാണ് മദ്യശാല മാറ്റിസ്ഥാപിച്ചത്.