അബൂദബി: യു.എ.ഇയില്‍ കൊവിഡ് തീവ്രത കുറയുന്ന സാഹചര്യത്തില്‍ ഷോപ്പിങ് മാളുകള്‍ക്കും സ്വകാര്യ സ്ഥാപനങ്ങള്‍ക്കും പ്രവര്‍ത്തിക്കാന്‍ അനുമതി നല്‍കി തുടങ്ങി. രാവിലെ ആറിനും രാത്രി 11 നും ഇടയിലാണ് തുറന്ന് പ്രവര്‍ത്തിക്കാനുള്ള അനുമതിയുള്ളത്.

35,00 ത്തിലധികം കൊവിഡ് പരിശോധനകളില്‍ 600 ന് താഴെ മാത്രമാണ് രാജ്യത്തെ പുതിയ പോസിറ്റീവ് കേസുകള്‍.
കഴിഞ്ഞ രണ്ടാഴ്ചക്കുള്ളില്‍ രാജ്യത്ത് 650,000 ടെസ്റ്റുകളാണ് നടത്തിയത്. ഇതുവരെ റിപ്പോര്‍ട്ട് ചെയ്യപ്പെട്ട 35,788 പോസിറ്റീവ് കേസുകളില്‍ പകുതിയിലധികം പേരും രോഗമുക്തി നേടി. ഇതുവരെ യു.എ.യില്‍ രണ്ടു ദശലക്ഷം കൊവിഡ് ടെസ്റ്റുകള്‍ നടത്തിയിട്ടുണ്ട്.