കൊച്ചി : സീനിയര്‍ ജേര്‍ണലിസ്റ്റ്‌സ് ഫോറം എറണാകുളം ജില്ലാ സമ്മേളനവും വാര്‍ഷിക ജനറല്‍ബോഡിയും ജൂലൈ 17 ഞായറാഴ്ച കലൂര്‍ റിന്യൂവല്‍ സെന്റര്‍ കര്‍ദിനാള്‍ പടിയറ ഹാളില്‍ നടക്കും. വാര്‍ഷിക ജനറല്‍ബോഡി രാവിലെ 9.30 ന് ആരംഭിക്കും.
ജില്ലാ സമ്മേളനം 11.00 മണിക്ക് പ്രൊഫ. കെ.വി തോമസ് എം.പി ഉദ്ഘാടനം ചെയ്യും. കായിക രംഗത്തെ സമഗ്ര സംഭാവനയ്ക്കുള്ള കേരള ഒളിമ്പിക്‌സ് അസോസിയേഷന്‍ അവാര്‍ഡ് നേടിയ എ.എന്‍. രവീന്ദ്രദാസിന് ഹൈബി ഈഡന്‍ എം.എല്‍.എ ഉപഹാരം നല്‍കും. ഫോറത്തിന്റെ മുതിര്‍ന്ന അംഗങ്ങളായ എം.പി പ്രകാശം, കെ.കെ മേനോന്‍, കെ.എ ഭാനുപ്രകാശ് എന്നിവരെ സി.പി.എം ജില്ലാ സെക്രട്ടറി പി.രാജീവ് ആദരിക്കും.