കോഴിക്കോട്: നെഹ്‌റു യുവ കേന്ദ്ര കോഴിക്കോട്,  കേന്ദ്ര യുവജന കാര്യ, കായിക മന്ത്രാലയത്തിന്റെ പദ്ധതി അനുസരിച്ച്   നാഷണല്‍ യൂത്ത് വോളണ്ടിയര്‍മാരുടെ നിലവിലുള്ള ഒഴിവിലേക്കായി വടകര, തോടന്നൂര്‍, കുന്നുമ്മല്‍, കൊയിലാണ്ടി എന്നിവിടങ്ങളില്‍ നിന്നുള്ള യുവതീ യുവാക്കള്‍ക്കായി 19ന്  വാക്ക് ഇന്‍ ഇന്റര്‍വ്യൂ നടത്തുന്നു. അപേക്ഷകര്‍ അതാത് ബ്ലോക്കിലെ  സ്ഥിരതാമസക്കാരും 18-29   പ്രായപരിധിയില്‍പ്പെടുന്നവരുമായിരിക്കണം.   കുറഞ്ഞ വിദ്യാഭ്യാസ യോഗ്യത എസ്.എസ്.എല്‍.സി ആണ്.  ബിരുദധാരികള്‍ക്കും, കമ്പ്യൂട്ടര്‍ പരിജ്ഞാനമുള്ളവര്‍ക്കും മുന്‍ഗണന ലഭിക്കും.  മറ്റു ജോലികള്‍ ഉള്ളവരും, റെഗുലര്‍ വിദ്യാര്‍ഥികളും അപേക്ഷിക്കാന്‍ അര്‍ഹരല്ല.  തെരഞ്ഞെടുക്കപ്പെടുന്നവര്‍ക്ക് പ്രതിമാസം 5000 രൂപ ഹോണറേറിയമായി ലഭിക്കും.  താല്‍പര്യമുള്ളവര്‍ വയസ്, വിദ്യാഭ്യാസം,  എന്‍.എസ്.എസ്, എന്‍.സി.സി.,   ആധാര്‍   തുടങ്ങിയവയുടെ  ഒറിജിനല്‍   സഹിതം  ഏപ്രില്‍ 19ന്    10 മണിക്ക് കോഴിക്കോട് സിവില്‍ സ്റ്റേഷനില്‍ പ്രവര്‍ത്തിക്കുന്ന നെഹ്‌റു യുവ  കേന്ദ്ര ഓഫീസില്‍ എത്തേണ്ടതാണ്.   ഫോണ്‍ നമ്പര്‍:  0495-2371891.

.