കൊല്ലം: കൊല്ലം അഞ്ചാലുംമൂട്ടില്‍ യുവാവിനെ വെട്ടിക്കൊലപ്പെടുത്തി. കൊല്ലം കുരീപ്പുഴ തണ്ടേക്കാട് ജയന്തി കോളനി ജോസഫ് ഭവനത്തില്‍ മര്‍സിലിന്റെ മകന്‍ ജോസ് മര്‍സിലിന്‍ (39) ആണ് കൊല്ലപ്പെട്ടത്. തണ്ടേക്കാട് കോളനി നിവാസിയായ പ്രസാദിന്റെ മകന്‍ പ്രശാന്ത് (30 ) ആണ് സുഹൃത്തിനെ കൊലപ്പെടുത്തിയത്.

ഇന്നലെ രാത്രി പത്തരയോടെയാണ് സംഭവം. ഒരുമിച്ചിരുന്ന് മദ്യപിച്ച ശേഷം വീട്ടിലേയ്ക്ക് മടങ്ങിയ ജോസ് അത്താഴം കഴിച്ചു കൊണ്ടിരിക്കെ വീട്ടിലെത്തിയ പ്രശാന്ത് ജോസിനെ വിളിച്ചിറക്കി റോഡില്‍ കൊണ്ടുപോയ ശേഷം മര്‍ദിക്കുകയായിരുന്നു. നിലവിളി കേട്ട് ഓടിയെത്തിയ വീട്ടുകാര്‍ ഇയാളെ മതിലിലുള്ള സ്വകാര്യ ആശുപത്രിയിലെത്തിച്ചെങ്കിലും മരണം സംഭവിക്കുകയായിരുന്നു.