കരുനാഗപ്പള്ളി: ഓണ്‍ലൈനിലൂടെ കഞ്ചാവ് വില്‍പ്പന നടത്തിവന്ന യുവാവിനെ ഒരു കിലോ കഞ്ചാവുമായി എക്‌സൈസ് സംഘം അറസ്റ്റ് ചെയ്തു. മൈനാഗപ്പള്ളി  പള്ളിശ്ശേരിക്കല്‍ ചരുവില്‍ ലക്ഷം വീട് കോളനിയില്‍ റഷീദ മന്‍സിലില്‍ സിയാദാ (23) ണ് പിടിയിലായത്.
എക്‌സൈസ് കമ്മിഷണര്‍ ഋഷിരാജ് സിംഗിന്റെ  നിര്‍ദേശാനുസരണം കരുനാഗപ്പള്ളിയിലെ വിദ്യാലങ്ങള്‍ കേന്ദ്രീകരിച്ച് നടത്തിയ രഹസ്യ നിരീക്ഷണത്തിലാണ് ഇയാള്‍ വലയിലായത്.  കരുനാഗപ്പള്ളി എക്‌സൈസ് സി.ഐ  എസ്.അജിദാസ്, ഇന്‍സ്‌പെക്ടര്‍ എം ഹാഷിം, അസി. ഇന്‍സ്‌പെക്ടര്‍മാരായ ഹരിലാല്‍, ശ്രീനിവാസന്‍, സിവിള്‍ എക്‌സൈസ് ഓഫീസര്‍മാരായ ബാബു, അനില്‍കുമാര്‍ എസ്, എം.സുരേഷ് കുമാര്‍, എന്‍.സുരേഷ്, ഷംസുദ്ദീന്‍ എന്നിവരടങ്ങിയ സംഘമാണ് പ്രതിയെ  പിടികൂടിയത്.