കേളകം: കേളകത്ത്‌നിരവധിയാത്രക്കാരും വ്യാപാരികളും ആശ്രയിച്ചുവന്നിരുന്ന കംഫര്‍ട്ട് സ്‌റ്റേഷന്‍ അടച്ചുപൂട്ടി.
കഴിഞ്ഞ ഒരാഴ്ചയായി കേളകം ബസ് സ്റ്റാന്റിലെ കംഫര്‍ട്ട് സ്റ്റേഷന്‍ തുറക്കാത്തതാണ് ടൗണിലെത്തുന്നവര്‍ക്കും യാത്രക്കാര്‍ക്കും ടാക്‌സി ഡ്രൈവര്‍മാര്‍ക്കും ഒരുപോലെ ദുരിതമായി മാറുന്നത്.
വാഹനമിടിച്ച് കംഫര്‍ട്ട് സ്റ്റ്േഷന്റെ സെപ്റ്റിക്ടാങ്കിലേക്ക് പോകുന്ന പൈപ്പ് തകര്‍ന്നതാണ് അടച്ചു പൂട്ടാന്‍ കാരണമെന്നാണ് പഞ്ചായത്ത് അധികൃതരുടെ വിശദീകരണം.
കംഫര്‍ട്ട് സ്റ്റേഷന്‍ അടച്ചു പൂട്ടിയതോടെ സ്തീകളടക്കമുളള യാത്രക്കാരും ടാക്‌സി ഡ്രൈവര്‍മാരും ഹോട്ടലുകളിലെ ശുചിമുറികളെ ആശ്രയിക്കേണ്ട അവസ്ഥയിലാണ്.
അറ്റകുറ്റപ്പണി നടത്താന്‍ കരാറുകാരെ ഏല്‍പ്പിച്ചിട്ടുണ്ടെന്നും ഏതാനും ദിവസങ്ങള്‍ക്കുള്ളില്‍ തന്നെ പണി പൂര്‍ത്തികരിച്ച് ജനങ്ങള്‍ക്ക് തുറന്നു നല്‍കുമെന്നും പഞ്ചായത്ത് അധികൃതര്‍ അറിയിച്ചു.