ദമാം: സഊദിയിലെ ദമാമിനു സമീപം ജുബൈലിൽ ഉണ്ടായ വാഹനാപകടത്തിൽ മലപ്പുറം സ്വദേശി മരിച്ചു. അങ്ങാടിപ്പുറം സ്വദേശി ഹനീഫ(34)ആണ്​ മരിച്ചത്​. സംഭവത്തിൽ മലയാളി ഉൾപ്പെടെ മൂന്നു പേർക്ക് പരുക്കേറ്റു.

 

വ്യാവസായിക നഗരിയായ ജുബൈലിൽ കെമനോൾ കമ്പനിക്ക്​ സമീപം തിങ്കളാഴ്​ച വൈകുന്നേരമാണ് അപകടം. കൂടെയുണ്ടായിരുന്ന രഞ്​ജിത്ത്​ ആൻറണി, മൊയിൻ മുഹിയുദ്ദീൻ,  മുഹമ്മദ്​ സിയാ ഉൽഹഖ്​ എന്നിവർക്കാണ്​ പരുക്കേറ്റത്​. രഞ്​ജിത്ത്​ ആൻറണിയുടെ പരുക്ക്​ ഗുരുതരമാണ്​. 

 

അവധി കഴിഞ്ഞു 18 ദിവസം മുമ്പാണ്​ ഹനീഫ  നാട്ടിൽ നിന്നെത്തിയത്​. പുതിയ ജോലിക്കായി ഇന്റർവ്യൂവിൽ പങ്കെടുക്കാൻ പോകവെയാണ് മരണം വില്ലനായെത്തിയത്.