പാനൂര്‍: പ്രിസം ബുക്‌സ് പാനൂര്‍ പ്രസിദ്ധീകരിക്കുന്ന 'കെ.പി.എ റഹിം സത്യാന്വേഷകനായ മനീഷി' എന്ന പുസ്തകം എഴുത്തുകാരന്‍ ഷൗക്കത്തിന് നല്‍കി സാഹിത്യകാരന്‍ എം. മുകുന്ദന്‍ പ്രകാശനം ചെയ്തു
. സമസ്ത മേഖലകളിലും ഹിംസയാണ് വാഴുന്നതെന്നും അഹിംസയെ മുന്നോട്ട് വച്ച ഗാന്ധിയന്‍ ദര്‍ശനങ്ങളെ ജനകീയവല്‍ക്കരിക്കുകയാണ് കെ.പി.എ റഹിം ചെയ്തതെന്നും മുകുന്ദന്‍ പറഞ്ഞു. എഴുത്തച്ഛന്‍ പുരസ്‌ക്കാര ജേതാവായ എം. മുകുന്ദന് ചടങ്ങില്‍ എം.പി അബ്ദുസമദ് സമദാനി ഉപഹാര സമര്‍പ്പണം നടത്തി. മതത്തെ രാഷ്ട്രീയം റാഞ്ചി കൊണ്ട് പോവുകയാണെന്നും ഇതിനെ മനുഷ്യത്വം കൊണ്ട് തോല്‍പിക്കാന്‍ നമുക്ക് സാധിക്കണമെന്നു സമദാനി പറഞ്ഞു. മുന്‍മന്ത്രി കെ.പി മോഹനന്‍ അധ്യക്ഷനായി. രാജു കാട്ടുപുനം പുസ്തക പരിചയം നടത്തി. ഡോ. കെ.വി ശശിധരന്‍, വി.പി ചാത്തു, കെ. കുമാരന്‍ സംസാരിച്ചു.