ജിദ്ദ: വ​ന്ദേ​ഭാ​ര​ത് മി​ഷ​നി​ൽ സഊ​ദി​യി​ൽ​നി​ന്നു​ള്ള വി​മാ​ന​ങ്ങ​ൾ​ക്ക് നി​ര​ക്ക് ഇ​ര​ട്ടി​യാ​ക്കി. ജൂ​ണ്‍ 10 മു​ത​ൽ തു​ട​ങ്ങു​ന്ന കേ​ര​ള​ത്തി​ലേ​ക്കു​ള്ള സ​ർ​വീ​സു​ക​ൾ​ക്കാ​ണ് നി​ര​ക്ക് കൂ​ട്ടി​യ​ത്. ആ​ദ്യ​ഘ​ട്ട​ത്തി​ൽ 950 റി​യാ​ൽ ഈ​ടാ​ക്കി​യി​രു​ന്ന​ത് 1,703 റി​യാ​ൽ ആ​ക്കിയത്.

ദമ്മാമിൽ നിന്നും പത്താം തിയ്യതി കണ്ണൂരിലേക്കുള്ള സർവീസിനും പതിനൊന്നാം തിയ്യതി കൊച്ചിയിലേക്കുള്ള സർവീസിനുമാണ് ശനിയാഴ്ച ടിക്കറ്റ് നൽകിയിട്ടുള്ളത്.ഈ സർവീസുകളിൽ നാട്ടിലേക്ക് പോകുന്നതിനായാണ് എംബസിയിൽ നിന്നും യാത്രക്കായി ഫോൺ കോളുകൾ ലഭിച്ച യാത്രക്കാർ ടിക്കറ്റെടുക്കുന്നതിനായി അൽഖോബാറിലുള്ള എയർ ഇന്ത്യ ഓഫീസിൽ എത്തിയത്.ഇവരിൽ നിന്നും ടിക്കറ്റുകൾക്ക് വർദ്ധിപ്പിച്ച തുകയാണ് ഈടാക്കിയിട്ടുള്ളത്. ഉയർന്ന ടിക്കറ്റ് നിരക്ക് ഈടാക്കിയിട്ടും എയർ ഇന്ത്യ ആ തുകക്ക് രസീതി നൽകിയില്ല എന്നും പല യാത്രക്കാരും പരാതിപ്പെട്ടു.

അതേ സമയം ഏറ്റവും കൂടുതല്‍ കൊവിഡ് മരണം റിപ്പോര്‍ട്ട് ചെയ്ത രാജ്യങ്ങളിലൊന്നാണ് സഊദി. സഊദിയില്‍ ശനിയാഴ്ച മാത്രം കൊവിഡ് ബാധിച്ച് മരിച്ചത് 34പേരാണ്. 3121 പേര്‍ക്ക് വൈറസ് സ്ഥിരീകരിക്കുകയും ചെയ്തു. ഇതിനിടെയാണ് കേന്ദ്ര സർക്കാരിന്റെ ഇരുട്ടിടി പ്രവാസികളെ കൂടുതൽ പ്രതിസന്ധിയിലാക്കിയത്.