കോഴിക്കോട്: ജില്ലയിലെ ബാങ്ക് ജീവനക്കാരുടെ കലാ സാംസ്‌കാരിക വേദിയായ ബാങ്ക്‌മെന്‍സ് ക്ലബ് 24-ാമത് അഖില കേരള കോളജ് മാഗസിന്‍ മത്സരത്തിലേക്ക് അപേക്ഷകള്‍ ക്ഷണിച്ചു. ഒന്ന്, രണ്ട്, മൂന്ന് സ്ഥാനങ്ങള്‍ ലഭിക്കുന്ന മാഗസിനുകള്‍ക്ക് യഥാക്രമം 5,000, 4,000, 3,000 എന്നിങ്ങനെ കാഷ് അവാര്‍ഡുകളും സര്‍ട്ടിഫിക്കറ്റുകളും നല്‍കും. 2017-18 അധ്യയന വര്‍ഷത്തെ മാഗസിനുകളാണു പരിഗണിക്കുക. ജൂലൈ നാലിനു കോഴിക്കോട് ടൗണ്‍ ഹാളില്‍ നടക്കുന്ന ബഷീര്‍ അനുസ്മരണത്തില്‍ അവാര്‍ഡുകള്‍ സമ്മാനിക്കും.
മാഗസിന്‍ എഡിറ്റര്‍, കോളജ് പ്രിന്‍സിപ്പല്‍ എന്നിവര്‍ക്ക് അപേക്ഷകള്‍ അയക്കാം. കോളജിന്റെ പേര്, എഡിറ്ററുടെ പേര്, മേല്‍വിലാസം, ഫോണ്‍ നമ്പര്‍, പ്രിന്‍സിപ്പലിന്റെ പേര് എന്നിവയോടൊപ്പം മാഗസിന്റെ ഉള്ളടക്കത്തെ കുറിച്ചുള്ള ചെറിയ കുറിപ്പും അപേക്ഷയില്‍ ഉള്‍പ്പെടുത്തണം.
താല്‍പര്യമുള്ളവര്‍ കോളജ് മാഗസിന്റെ മൂന്നു കോപ്പി മെയ് ഒന്നിനു മുന്‍പ് കെ. സാജു, വൈസ് പ്രസിഡന്റ്, ബാങ്ക്‌മെന്‍സ് ക്ലബ്, സി.ഒ സ്റ്റേറ്റ് ബാങ്ക് ഓഫ് ഇന്ത്യ, മാനാഞ്ചിറ, കോഴിക്കോട്-673 001 എന്ന വിലാസത്തില്‍ എത്തിക്കണം. ഫോണ്‍: 9020831432.