കല്‍പ്പറ്റ: സംസ്ഥാന സാക്ഷരതാ മിഷനും പൊതുവിദ്യാഭ്യാസ വകുപ്പും നടത്തുന്ന പ്ലസ് വണ്‍ തുല്യതാ കോഴ്‌സിന്റെ ഫൈനല്‍ പരീക്ഷ ഓഗസ്റ്റ് നാലു മുതല്‍ 10 വരെ ജില്ലയിലെ നാലു സ്‌കൂളുകളിലായി നടക്കും. ഗവ. എച്ച്.എസ്.എസ് കണിയാമ്പറ്റ, ഗവ. വി.എച്ച്.എസ്.എസ് മാനന്തവാടി, ഗവ. സര്‍വ്വജന വി.എച്ച്.എസ്.എസ് സുല്‍ത്താന്‍ ബത്തേരി, ഗവ. വി.എച്ച്.എസ്.എസ് കല്‍പ്പറ്റ എന്നിവയാണ് ജില്ലയിലെ പരീക്ഷാ കേന്ദ്രങ്ങള്‍.
 പരീക്ഷാ ഫീസ് 600 രൂപയും സര്‍ട്ടിഫിക്കറ്റ് ഫീസ് 100 രൂപയും ഉള്‍പ്പെടെ 700 രൂപ നിശ്ചിത അപേക്ഷയോടൊപ്പം ജില്ലാ സാക്ഷരതാ മിഷന്‍ ഓഫിസില്‍ നിന്നും സാക്ഷ്യപത്രം വാങ്ങി 15വരെയും 20 രൂപ ഫൈനോടെ 19 വരെയും പരീക്ഷാ കേന്ദ്രങ്ങളില്‍ സ്വീകരിക്കും.