ആനക്കര: റോഡരികിലെ വാഴകൃഷിയും മറ്റ് ദീര്‍ഘ കാല വിളകളും ചെറുളപ്പാടത്തെ നെല്‍കൃഷിക്ക് വിഘാതമാകുന്നതായി പരാതി. ഇരുനൂറേക്കറോളം വരുന്ന ചെറുളപ്പാടം പാടശേഖരത്തിലെ നെല്‍ കൃഷിയെ മാത്രം ആശ്രയിച്ചു കഴിയുന്നവരാണ് പരാതിയുമായി രംഗത്തെത്തിയിരിക്കുന്നത്. കൃഷി ആവശ്യത്തിന് ട്രക്ടറും മറ്റും ഇറക്കുന്ന ഭാഗത്ത് രണ്ടേക്കറോളം വരുന്ന നെല്‍വയല്‍ കമ്പി വേലികെട്ടി തിരിച്ച് വാഴയും തെങ്ങും മറ്റും വെച്ചുപിടപ്പിച്ചതിനാല്‍ തങ്ങളുടെ കൃഷിയിടത്തിലേക്ക് ട്രാക്ടറിറക്കാനാവാത്ത അവസ്ഥയാണെന്ന് പാടശേഖരിത്തിലെ കര്‍ഷകര്‍ കലക്ടര്‍ക്കും മറ്റ് റവന്യു അധികൃതര്‍ക്കും നല്‍കിയ പരാതിയില്‍ പറയുന്നു. കമ്പിവേലി നീക്കം ചെയ്ത് നെല്‍ കൃഷിക്ക് തടസ്സം വരാതിരക്കാന്‍ നടപടി സ്വീകരിക്കണമെന്നാണ് കര്‍ഷകരുടെ ആവശ്യം.