കോട്ടക്കല്‍: പുത്തൂരിനടുത്ത് പാറക്കോരിയില്‍ ഓട്ടോ നിയന്ത്രണം വിട്ടു കുളത്തിലേക്കു മറിഞ്ഞു, ഡ്രൈവര്‍ അത്ഭുതകരമായി രക്ഷപ്പെട്ടു. കോട്ടക്കല്‍- മഞ്ചേരി റോഡിനു സമീപത്തെ പൂത്തൂര്‍ പാറക്കോരി പള്ളികുളത്തിലേക്കാണ് ഓട്ടോ മറിഞ്ഞത്. ഓട്ടോക്കു മുന്നിലുണ്ടായിരുന്ന കാര്‍ റോഡിലെ കുഴില്‍ ചാടാതിരിക്കാന്‍ പെട്ടെന്ന് ദിശ മാറ്റിയതോടെ കാറില്‍ ഇടിക്കാതിരിക്കാന്‍ ഓട്ടോ പെട്ടെന്നു തിരിച്ചതിനിടെ റോഡരികിലെ കുളത്തിലേക്ക് മറിയുകയായിരുന്നു. 15 അടി താഴ്ചയുള്ള കുളത്തിലേക്ക് മറിഞ്ഞ ഓട്ടോയില്‍ യാത്രക്കാരുണ്ടായിരുന്നില്ല.
ഇത് മൂലം വന്‍ ദുരന്തം ഒഴിവായി. നാട്ടുകാര്‍ ചേര്‍ന്ന് കുളത്തില്‍ നിന്നും ഓട്ടോറിക്ഷ പുറത്തെടുത്തു.