തേഞ്ഞിപ്പലം: മുന്‍ മന്ത്രി എ.സി ഷണ്‍മുഖദാസിന്റെ അഞ്ചാം ചരമ വാര്‍ഷികദിനത്തോടനുബന്ധിച്ച് എന്‍.സി.പി ജില്ലാ കമ്മറ്റി ഏര്‍പ്പെടുത്തിയ പ്രവര്‍ത്തന മികവിനുള്ള പുരസ്‌കാരം എന്‍.സി.പി ജില്ലാ സെക്രട്ടറിയും ന്യൂനപക്ഷ വകുപ്പ് ജില്ലാ ചെയര്‍മാനുമായ അബുലൈസ് തേഞ്ഞിപ്പലത്തിന് സംസ്ഥാന ജനറല്‍ സെക്രട്ടറി റസാഖ് മൗലവി സമ്മാനിച്ചു. ജില്ലാ പ്രസിഡന്റ് ടി.എന്‍ ശിവശങ്കരന്‍ അധ്യക്ഷനായി. വിവിധ വിഭാഗങ്ങളിലായി കെ.പി രാമനാഥന്‍, കുഞ്ഞു പെരിന്തല്‍മണ്ണ, ഷംസു മേപ്പുറത്ത്, കൊണ്ടാടന്‍ മൊയ്തീന്‍ കുട്ടി ഹാജി, സി.പി ഇസ്മാഈല്‍ എന്നിവര്‍ക്കും പുരസ്‌കാരം നല്‍കി.