തൃശൂര്‍: യു.ഡി.എഫിലേക്ക് ഉടന്‍ തിരികെയില്ലെന്ന് കെ.എം മാണി. ആരോടും അന്ധമായ വിരോധമോ അമിതമായ സ്‌നേഹമോ ഇല്ല. ചരല്‍ക്കുന്നിലെ പാര്‍ട്ടി ക്യാന്പില്‍ യുഡിഎഫ് വിടാന്‍ കൈക്കൊണ്ട തീരുമാനം തത്കാലം പുനപരിശോധിക്കേണ്ട സ്ഥിതിയില്ല. കേരള കോണ്‍ഗ്രസിനെ ശക്തിപ്പെടുത്താന്‍ പാര്‍ട്ടി ഒറ്റക്കെട്ടായി മുന്നോട്ടുപോകുമെന്നും കെ.എം.മാണി പറഞ്ഞു.

മലപ്പുറം ലോക്‌സഭാ തെരഞ്ഞെടുപ്പില്‍ യു.ഡി.എഫിന്റെ വിജയത്തില്‍ കേരളാ കോണ്‍ഗ്രസിനും പങ്കുണ്ടെന്നും അദ്ദേഹം കൂട്ടിച്ചേര്‍ത്തു.

മാണി മടങ്ങിവരണമെന്നാണ് യുഡിഎഫ് ഒറ്റക്കെട്ടായി ആഗ്രഹിക്കുന്നത്. ഞങ്ങളാരും അദ്ദേഹത്തെ പുറത്താക്കിയതല്ല. സ്വയം പോയതാണ് എപ്പോള്‍ വേണമെങ്കിലും അദ്ദേഹത്തിനു തിരികെ എത്താമെന്നും കെ.പി.സി.സി അധ്യക്ഷന്‍ എം.എം ഹസന്‍ പറഞ്ഞിരുന്നു. ഇതിനോട് പ്രതികരിക്കുകയായിരുന്നു മാണി. നേരത്തെയും യു.ഡി.എഫിലേക്കുള്ള ക്ഷണത്തെ മാണി നിരസിച്ചിരുന്നു.