അബൂദബി: യു.എ.ഇയിലെ ഖുര്‍ഫക്കാനില്‍ നിര്‍മാണ ഇന്ത്യന്‍ തൊഴിലാളികള്‍ സഞ്ചരിച്ചിരുന്ന ബസ് അപകടത്തില്‍പ്പെട്ട് നിരവധി പേര്‍ക്ക് പരുക്ക്. നഗരത്തില്‍ പ്രവേശിക്കുന്നതിന് തൊട്ടുമുമ്പുള്ള റൗണ്ട് എബൗട്ടിലാണ് അപകടം. സംഭവം ഷാര്‍ജ പോലീസ് അപകടം സ്ഥിരീകരിച്ചു. എന്നാല്‍ ആളപായത്തെക്കുറിച്ച് വ്യക്തമാക്കിയിട്ടില്ല. കിംവദന്തികള്‍ പ്രചരിപ്പിക്കരുതെന്ന് താമസക്കാരോട് പൊലിസ് ഇന്‍സ്റ്റാഗ്രാം സ്റ്റോറിയില്‍ അഭ്യര്‍ഥിച്ചു.

ഖുര്‍ഫക്കാനില്‍ തൊഴിലാളികളുമായി പോയ ഒരു ബസ് അപകടത്തില്‍പ്പെട്ടിട്ടുണ്ട്. ബന്ധപ്പെട്ട എല്ലാ അധികാരികളുമായും സഹകരിച്ച് ഞങ്ങള്‍ ഇടപെട്ടുവരികയാണ്. സംഭവത്തെക്കുറിച്ചുള്ള വിശദാംശങ്ങള്‍ ഞങ്ങള്‍ പിന്നീട് നല്‍കും. ഔദ്യോഗിക ഉറവിടങ്ങളില്‍ നിന്ന് മാത്രം വിവരങ്ങള്‍ ലഭിക്കാന്‍ പൊതുജനങ്ങളോട് ആവശ്യപ്പെടുന്നു- പൊലിസ് അറിയിച്ചു.

അപകടത്തില്‍പ്പെട്ടവരെല്ലാം ഇന്ത്യക്കാരാണ്. അജ്മാനില്‍ ആസ്ഥാനമുള്ള ഒരു കമ്പനിയിലെ തൊഴിലാളികളാണ് എല്ലാവരുമെന്ന് KMCC പ്രവര്‍ത്തകനായ സലീം പറഞ്ഞു. തൊഴിലാളികള്‍ അവരുടെ അവധി ദിനത്തില്‍ കമ്പനി ആസ്ഥാനം സന്ദര്‍ശിക്കാനും ആ പ്രദേശത്തെ ഭക്ഷണ സാധനങ്ങള്‍ വാങ്ങാനും വേണ്ടി അജ്മാനിലേക്ക് പോയിരുന്നു. അതുകഴിഞ്ഞ് അവര്‍ മടങ്ങിവരുമ്പോഴാണ് അപകടം. എന്നാല്‍ ആളപായമില്ലെന്നാണ് യു.എ.ഇ പ്രവാസികള്‍ അറിയിച്ചത്. എല്ലാവരും പരുക്കുകളോടെ രക്ഷപ്പെട്ടെന്നുമാണ് സൂചന.

Bus carrying Indians caught with accident in Khurfakan