അബൂദബി: യു.എ.ഇയിലെ എമിറേറ്റ്‌സുകളില്‍ ഏറ്റവും പുതിയ കാലാവസ്ഥാ വിവരങ്ങള്‍ നാഷണല്‍ സെന്റര്‍ ഓഫ് മെട്രോളജി (NCM) പുറത്തുവിട്ടു. ഇതുപ്രകാരം ഇന്നത്തെ കാലാവസ്ഥ ഭാഗികമായി മേഘാവൃതമായിരിത്തും. എന്നാല്‍ ദ്വീപുകളിലും വടക്കന്‍ പ്രദേശങ്ങളിലും മഴ പെയ്യാന്‍ സാധ്യതയുണ്ട്.

ചില പ്രദേശങ്ങളില്‍ മഴ പ്രതീക്ഷിക്കുന്നുണ്ടെങ്കിലും ഇന്ന് രാത്രിയോടെ കാലാവസ്ഥ ഈര്‍പ്പമുള്ളതായി മാറും. നാളെ (ഡിസംബര്‍ 17) രാവിലെ വരെ ഇതു തുടരും. പിന്നാലെ മൂടല്‍മഞ്ഞ് രൂപപ്പെടാന്‍ ഇടയാക്കും. ഉള്‍പ്രദേശങ്ങളിലാകും കൂടുതലും മൂടല്‍മഞ്ഞ് ഉണ്ടാകുക.

മണിക്കൂറില്‍ 45 കിലോമീറ്റര്‍ വേഗതയില്‍ ചില സമയങ്ങളില്‍ ശക്തമായ വടക്ക് പടിഞ്ഞാറന്‍ കാറ്റ് വീശാന്‍ സാധ്യതയുള്ളതിനാല്‍ യെല്ലോ അലര്‍ട്ട് പ്രഖ്യാപിച്ചു. ഇത് പൊടിയും മണലും വീശാന്‍ ഇടയാക്കും. ഇന്നലെ രാത്രി 11 മുതല്‍ ഇന്ന് രാത്രി 12 വരെ ദ്വീപുകളിലും ചില പടിഞ്ഞാറന്‍ പ്രദേശങ്ങളിലും ദൃശ്യപരത 2,500 മീറ്ററില്‍ താഴെയായി കുറയും.

അറേബ്യന്‍ ഗള്‍ഫില്‍ കടല്‍ പ്രക്ഷുബ്ധമായിരിക്കും.  

യു.എ.ഇ തണുത്ത ശൈത്യകാല കാലാവസ്ഥയിലേക്ക് മാറിവരികയാണ്. പര്‍വതങ്ങളില്‍ താപനില 8 ഡിഗ്രി സെല്‍ഷ്യസും ഉള്‍പ്രദേശങ്ങളില്‍ 29 ഡിഗ്രി സെല്‍ഷ്യസും വരെ ഉയരാം.

UAE Weather Updates: Widespread dust; Yellow alert declared;