പെരിന്തല്‍മണ്ണ: 16 വയസിന് താഴെയുള്ളവരുടെ ഉത്തര മേഖലാ അന്തര്‍ജില്ലാ ദ്വിദിന ക്രിക്കറ്റ് മത്സരത്തില്‍ കോഴിക്കോടിനെതിരേ മലപ്പുറത്തിന് ലീഡ്. പെരിന്തല്‍മണ്ണ ക്രിക്കറ്റ് സ്റ്റേഡിയത്തില്‍ നടക്കുന്ന പോരാട്ടത്തില്‍ ടോസ് നേടി ഇന്നിങ്‌സ് ആരംഭിച്ച കോഴിക്കോട് 40.1 ഓവറില്‍ 84 റണ്‍സിന് എല്ലാവരും പുറത്തായി. തുടര്‍ന്ന് ഇന്നിങ്‌സ് ആരംഭിച്ച മലപ്പുറം ഇന്നലെ കളി നിര്‍ത്തുമ്പോള്‍ 52.1 ഓവറില്‍ എട്ട് വിക്കറ്റ് നഷ്ടത്തില്‍ 128 റണ്‍സെന്ന നിലയില്‍.
കോഴിക്കോടിന്റെ കൃഷ്ണ നാരയണ്‍ 23 റണ്‍സ് നേടി. മലപ്പുറത്തിന് വേണ്ടി സനിന്‍ എന്‍ ഫഹദ് 4.1 ഓവറില്‍ 11 റണ്‍സ് വിട്ടുകൊടുത്ത് നാലു വിക്കറ്റുകള്‍ നേടി. മലപ്പുറത്തിന് വേണ്ടി അഭിജിത്ത് 37 റണ്‍സും, ശ്രീഹരി 28 റണ്‍സും നേടി. കോഴിക്കോടിന്റെ അഭിജിത്ത് എം.പി എട്ടോവറില്‍ 25 റണ്‍സ് വിട്ടുകൊടുത്ത് മൂന്ന് വിക്കറ്റ് നേടി.