ആറ്റിങ്ങല്‍: സമൂഹമാധ്യമത്തിലൂടെ പരിചയപ്പെട്ട യുവതിയുടെ ചിത്രം മോര്‍ഫ് ചെയ്തു പ്രചരിപ്പിച്ച യുവാവ് അറസ്റ്റില്‍. തൃശൂര്‍ വെളുത്തൂര്‍ അരിമ്പൂര്‍ ചെമ്മാണ്ട് വീട്ടില്‍ അഭിഷേക് എന്‍.നായര്‍ (27) ആണ് ആറ്റിങ്ങല്‍ പൊലിസിന്റെ പിടിയിലായത്. യുവതിയോട് അഭിഷേക് വിവാഹാഭ്യര്‍ഥന നടത്തിയെങ്കിലും യുവതി നിരസിക്കുകയായിരുന്നു. തുടര്‍ന്നാണ് അഭിഷേക് യുവതിയുടെ ചിത്രം മോര്‍ഫ് ചെയ്ത് സാമൂഹിക മാധ്യമത്തിലൂടെ പ്രചരിപ്പിച്ചത്.
യുവതി ആറ്റിങ്ങല്‍ ഡിവൈ.എസ്.പിക്ക് പരാതി നല്‍കിയതിന്റെ അടിസ്ഥാനത്തിലായിരുന്നു അറസ്റ്റ്. ആറ്റിങ്ങല്‍ സി.ഐ സിബിച്ചന്‍ ജോസഫ്, എസ്.ഐ ബാലകൃഷ്ണന്‍ ആചാരി, സി.പി.ഒ മാരായ ശ്യാം, ഷിജു എന്നിവര്‍ചേര്‍ന്നാണ് പ്രതിയെ അറസ്റ്റ് ചെയ്തത്.