കിഴിശ്ശേരി: കുഴിമണ്ണ ഗവ. ഹയര്‍ സെക്കന്‍ഡറി സ്‌കൂളില്‍ പുതുതായി നിര്‍മിച്ച കെട്ടിടം പി.കെ ബഷീര്‍ എം.എല്‍.എ ഉദ്ഘാടനം ചെയ്തു. ബ്ലോക്ക് പഞ്ചായത്ത് പ്രസിഡന്റ് പറമ്പന്‍ ലക്ഷ്മി അധ്യക്ഷയായി. എം.എല്‍.എയുടെ ആസ്തി വികസന ഫണ്ട് ഉപയോഗിച്ചാണ് ആറ് മുറികളുള്ള കെട്ടിടം നിര്‍മിച്ചത്. എസ്.എസ്.എല്‍.സി, പ്ലസ്ടു, എന്‍.എം.എം.എസ്, നീറ്റ് പ്രതിഭകളെ ചടങ്ങില്‍ ആദരിച്ചു. ഹൈടെക് ക്ലാസ് റൂമിന്റെ സമര്‍പ്പണവും ചടങ്ങില്‍ നടന്നു. പ്രിന്‍സിപ്പല്‍ എ. മോഹനദാസ്, എം.വി സുജാത, പുളിക്കല്‍ മുഹമ്മദ്, കദീജ, എം.സി മുഹമ്മദാജി, പി.ടി രാമദാസ്, വേലുക്കുട്ടി മാസ്റ്റര്‍ സംസാരിച്ചു.