പാനൂര്‍: പ്രകൃതിയോടും മനുഷ്യരോടും ജീവികളോടും നീതിപൂര്‍വമായ സമീപനം കൈക്കൊള്ളണമെന്ന ഖുര്‍ആനിക അധ്യാപനം മുറുകെ പിടിക്കണമെന്നു സമസ്ത കേന്ദ്രസെക്രട്ടറി പി.പി ഉമര്‍ മുസ്‌ലിയാര്‍. നമ്മുടെ ആശ്രിതരായ മൃഗങ്ങള്‍ക്കും സസ്യങ്ങള്‍ക്കും നാം നല്‍കേണ്ട അവകാശങ്ങള്‍ കൃത്യമായി നല്‍കണമെന്നും ഇതരമതസ്ഥരോടു പോലും നീതിപൂര്‍വം മാത്രമേ സമീപിക്കാവൂ എന്നും അദ്ദേഹം പറഞ്ഞു. തുവ്വക്കുന്ന് യമാനിയ്യ അറബിക് കോളജ് പന്ത്രണ്ടാം വാര്‍ഷികസമ്മേളനം ചെയ്യുകയായിരുന്നു ഉമര്‍ മുസ്‌ലിയാര്‍.
പ്രിന്‍സിപ്പല്‍ കെ. കുഞ്ഞമ്മദ് ബാഖവി അധ്യക്ഷനായി. ഹാഫിസ് ശിഹാബുദീന്‍ മൗലവി, എ.പി ഇസ്മാഈല്‍, പി.വി അബ്ദുല്ല ഹാജി, പി.വി യൂസഫ്, ഖാദര്‍ ഹാജി, അബൂബക്കര്‍ യമാനി, കെ.കെ അനസ്, എം.പി.കെ സഫ്‌വാന്‍ സംസാരിച്ചു.