കണ്ണൂര്‍: മെയ് 13,14,15 തീയതികളിലായി കണ്ണൂരില്‍ നടക്കുന്ന കേരള എന്‍.ജി.ഒ യൂണിയന്‍ 54ാം സംസ്ഥാന സമ്മേളനത്തിന്റെ ഭാഗമായി വനിതകളുടെ നേതൃത്വത്തില്‍ പോസ്റ്റര്‍ പ്രചരണം നടത്തുവാന്‍ തീരുമാനിച്ചു. പരിപാടിയുടെ ഉദ്ഘാടനം കണ്ണൂര്‍ കലക്ടറേറ്റ് പരിസരത്ത് ജില്ലാ പഞ്ചായത്ത് വൈസ് പ്രസിഡണ്ട് പി.പി ദിവ്യ നിര്‍വ്വഹിച്ചു. പ്രചാരണ സബ് കമ്മിറ്റി കണ്‍വീനര്‍ സി ലക്ഷ്മണന്‍, സ്വാഗത സംഘം ജനറല്‍ കണ്‍വീനര്‍ എം.വി ശശിധരന്‍ എന്നിവര്‍ സംസാരിച്ചു. സമ്മേളന സ്വാഗത സംഘം മീഡിയ, താമസം സബ് കമ്മിറ്റി യോഗങ്ങള്‍ ഇന്ന് നടക്കുമെന്ന് ജനറല്‍ കണ്‍വീനര്‍ അറിയിച്ചു.
പ്രവര്‍ത്തക യോഗം ചേര്‍ന്നു
കണ്ണൂര്‍: കണ്ണൂര്‍ ടി.കെ ബാലന്‍ സ്മാരക ഹാളില്‍ ചേര്‍ന്ന പ്രവര്‍ത്തക യോഗം യൂണിയന്‍ സംസ്ഥാന വൈസ് പ്രസിഡണ്ട് നൈല പ്രേംകുമാര്‍ ഉദ്ഘാടനം ചെയ്തു. ടി ഷര്‍ഫുദ്ദിന്‍ സ്വാഗതം പറഞ്ഞു. കെ.പി വിനോദന്‍ അധ്യക്ഷനായി. ടി.വി പ്രജീഷ് ഭാവിപരിപാടികള്‍ വിശദീകരിച്ചു.