തൃക്കരിപ്പൂര്‍: വള്‍വക്കാട് മുസ്്‌ലിം ജമാഅത്തിന്റെയും അല്‍വഫ ഇസ്്‌ലാമിക് കള്‍ച്ചറല്‍ സെന്ററിന്റെയും സംയുക്താഭിമുഖ്യത്തില്‍ വള്‍വക്കാട് അന്‍വാറുല്‍ ഇസ്്‌ലാം മദ്്‌റസാ ക്യാംപസില്‍ പ്രവര്‍ത്തനമാരംഭിച്ച സമന്വയ വിദ്യാഭ്യാസ സ്ഥാപനമായ അസ്സഹ്‌റ ഇസ്്‌ലാമിക് വിമന്‍സ് അക്കാദമി സയ്യിദ് നജ്മുദ്ദീന്‍ യമാനി അല്‍ ഹൈദ്രൂസി ഉദ്ഘാടനം ചെയ്തു. അക്കാദമി ചെയര്‍മാന്‍ കെ.പി അഷ്‌റഫ് മുന്‍ഷി അധ്യക്ഷനായി. അഷ്‌റഫ് മലയില്‍ ക്ലാസെടുത്തു. ജമാഅത്ത് പ്രസിഡന്റ് എം. മുഹമ്മദ് കുഞ്ഞി, സമീര്‍ ഹൈതമി, അബ്ദുറസാഖ് യമാനി, മുത്തുക്കോയ തങ്ങള്‍, അമീര്‍ ഹാജി, അബൂബക്കര്‍, കെ.എം കുഞ്ഞി സംസാരിച്ചു.
തുടര്‍ന്നു നടന്ന സെഷനില്‍ പഞ്ചായത്ത് അംഗം കെ.പി ഫാത്വിമയുടെ അധ്യക്ഷതയില്‍ സയ്യിദത് ഫസ്ല ബീവി നാദാപുരം പഠനാരംഭം കുറിച്ചു. ഗ്രാമ പഞ്ചായത്ത് പ്രസിഡന്റ് വി.പി ഫൗസിയ മുഖ്യാതിഥിയായി. പഞ്ചായത്ത് അംഗങ്ങളായ കെ.വി തഹ്‌സീറ, എ.ജി സറീന, എം. സൗദ സംബന്ധിച്ചു.