കോട്ടയം: ബാലകൃഷ്ണപിള്ളയുടേയും ഗണേശ് കുമാറിന്റെയും യു.ഡി.എഫ് പ്രവേശത്തിന് തടയിട്ട് കൊടിക്കുന്നില്‍ സുരേഷ്. പിള്ളയും മകനും അധികാര രാഷ്ട്രീയത്തിന്റെ അപ്പക്കഷണങ്ങളായി നടക്കുന്ന അവസരവാദികളാണെന്ന് കൊടിക്കുന്നില്‍ പറഞ്ഞു. 

ഇന്ന് യു.ഡി.എഫിലേക്കില്ലെന്ന് പറയുന്ന ഇരുവരും നാളെ മാറ്റി പറയുന്നതാണ് മുന്‍ കാല ചരിത്രം. കോണ്‍ഗ്രസ് നേതൃത്വം ഇവരുമായി ഒരു ചര്‍ച്ചയും നടത്തിയിട്ടില്ലെന്നും കൊടിക്കുന്നില്‍ വെളിപ്പെടുത്തി. കേരളത്തിലെ അതിവേഗ റെയില്‍വേ പാത നിര്‍മാണം സംബന്ധിച്ച് ജനങ്ങള്‍ക്കും ജനപ്രതിനിധികള്‍ക്കും ആശങ്കയുണ്ട്. കൊവിഡ് പശ്ചാത്തലത്തില്‍ പാതയുടെ നിര്‍മാണം നിര്‍ത്തിവെക്കണമെന്നും കൊടിക്കുന്നില്‍ ആവശ്യപ്പെട്ടു.