ദമസ്‌കസ്: ഐ.എസ് നേതാവ് അബൂബക്കര്‍ അല്‍ ബഗ്ദാദിയുടെ മകന്‍ ഹുദൈഫ അല്‍ ബദ്‌രി കൊല്ലപ്പെട്ടു. സിറിയയില്‍ സര്‍ക്കാര്‍ സൈന്യത്തിനെതിരായ ആക്രമണത്തിനിടെയാണ് കൊല്ലപ്പെട്ടതെന്ന് ഐ.എസ് മാധ്യമം തന്നെയാണ് പുറത്തുവിട്ടത്.

ഐ.എസിന്റെ സോഷ്യല്‍ മീഡിയാ ഗ്രൂപ്പിലും വാര്‍ത്ത പ്രത്യക്ഷപ്പെട്ടുവെന്ന് അന്താരാഷ്ട്ര മാധ്യമങ്ങള്‍ റിപ്പോര്‍ട്ട് ചെയ്തു. റൈഫിളും പിടിച്ച് നില്‍ക്കുന്ന കുട്ടിയുടെ ചിത്രമടക്കമാണ് വാര്‍ത്ത പോസ്റ്റ് ചെയ്തിരിക്കുന്നത്. ഇതാണ് ഹുദൈഫ അല്‍ ബദ്‌രിയെന്നും പരിചയപ്പെടുത്തുന്നു.

എന്നാല്‍ എപ്പോഴാണ് കൊല്ലപ്പെട്ടതെന്ന് വ്യക്തമാക്കുന്നില്ല. ഹുംസ് പ്രവിശ്യയില്‍ വച്ച് കൊല്ലപ്പെട്ടുവെന്നാണ് പറയുന്നത്.

നേരത്തെ, അല്‍ ബഗ്ദാദിയുടെ പേരില്‍ നിരവധി തവണ കൊല്ലപ്പെട്ടുവെന്ന വാര്‍ത്ത വന്നിരുന്നു. പരുക്കേറ്റെന്ന തരത്തിലും വാര്‍ത്തകള്‍ വന്നു. എന്നാല്‍ അദ്ദേഹം ഇപ്പോഴും ജീവിച്ചിരിക്കുന്നുവെന്ന് കരുതുന്നവരും ഏറെയാണ്.