ആര്യനാട്: യുവാവിന് സൂര്യാതപമേറ്റു. ആര്യനാട് ലൂഥര്‍ ഗിരി തോട്ടിന്‍ കര വീട്ടില്‍ ജിതിന്‍ (18) ആണ് സൂര്യാതപമേറ്റത്. തൈക്കാട് മേപ്പുക്കടയിലെ നമ്പര്‍ പ്ലേറ്റ് നിര്‍മാണ കടയിലെ ജീവനക്കാരനായ ജിതിന്‍ ബൈക്ക് യാത്രക്കിടെയാണ് സൂര്യതാപമേറ്റത്. ബുധനാഴ്ചയാണ് സംഭവം. ഓര്‍ഡര്‍ അനുസരിച്ച് ആവശ്യക്കാരുടെ അടുത്ത് നമ്പര്‍ പ്ലേറ്റ് എത്തിക്കുന്നതാണ് ജിതിന്റെ ജോലി.കഴിഞ്ഞ ദിവസം ബാലരാമപുരത്ത് പോയിട്ട് തിരികെ വന്നപ്പോഴാണ് മുഖത്ത് വേദന അനുഭവപ്പെട്ടത്. വീട്ടിലെത്തി പരിശോധന നടത്തിയപ്പോള്‍ ആണ് പൊള്ളലേറ്റ നിലയില്‍ കണ്ടത്. ആര്യനാട് ആശുപത്രിയില്‍ ചികിത്സ തേടി.