തിരുവനന്തപുരം: മദ്യപാനത്തെ തുടര്‍ന്ന് പൊലിസ്‌ ഉദ്യോഗസ്ഥന്‍ മരിച്ചു. കൂടെ മദ്യപിച്ച മൂന്നു സുഹൃത്തുക്കളെയും ആശുപത്രിയില്‍ പ്രവേശിപ്പിച്ചിട്ടുണ്ട്. മലപ്പുറം ഐ.ആര്‍ ബറ്റാലിയനിലെ പൊലിസ്‌ ഉദ്യോഗസ്ഥന്‍ കൊല്ലം കടക്കല്‍ ചെളിക്കുഴി സ്വദേശി അഖില്‍ ആണ് മരിച്ചത്.

ശനിയാഴ്ച വൈകിട്ട് നാലുപേരും ചേര്‍ന്ന് മദ്യപിച്ചിരുന്നു അഖില് ദേഹാസ്വസ്ഥ്യം അനുഭവപ്പെടുകയായിരുന്നു. തുടര്‍ന്ന് തിരുവനന്തപുരം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. ഞായറാഴ്ച പുലര്‍ച്ചയോടെയാണ് മരിച്ചത്.
ആശുപത്രിയില്‍ പ്രവേശിച്ചവരുടെ ആരോഗ്യനില തൃപ്തികരമാണ്. ഇവര്‍ കുടിച്ച മദ്യത്തിന്റെ ബാക്കി പരിശോധനയ്ക്കായി എക്സൈസ് ശേഖരിച്ചിട്ടുണ്ട്.