കൊടകര:പൊള്ളുന്ന വെയിലില്‍ സഞ്ചരിക്കുന്ന യാത്രക്കാര്‍ക്ക് വഴിയോരത്ത് സൗജന്യമായി കുടിവെള്ളമൊരുക്കി ഡ്രൈവര്‍മാര്‍. ദാഹിച്ചു വലഞ്ഞെത്തുന്നവര്‍ക്ക് ദാഹജലം നല്‍കാനായി മണ്‍കൂജകള്‍ സ്ഥാപിച്ചാണ് കോടാലിയിലെ ഒരുകൂട്ടം ഡ്രൈവര്‍മാര്‍ മാതൃകയായിരിക്കുന്നത്.മറ്റത്തൂര്‍ പഞ്ചായത്തിലെ വെള്ളിക്കുളങ്ങര, കിഴക്കേ കോടാലി, മുരിക്കുങ്ങല്‍, അന്നാംപാടം,അവിട്ടപ്പിള്ളി തുടങ്ങിയ സ്ഥലങ്ങളിലാണ് കുടിവെള്ളം നിറച്ച മണ്‍കൂജകള്‍ സ്ഥാപിച്ചിരിക്കുന്നത്. കോടാലി ഡ്രൈവേഴ്‌സ് വെല്‍ഫെയര്‍ ട്രസ്റ്റിന്റെ നേതൃത്വത്തിലാണ് ഈ പുതിയ ഉദ്യമത്തിന് തുടക്കമിട്ടിരിക്കുന്നത്. ഡിഡബ്യുടി രക്ഷാധികാരി ഒ.പി.ജോണി ഉദ്ഘാടനം ചെയ്തു.പ്രസിഡന്റ് ഔസേപ്പുട്ടി അധ്യക്ഷനായി. എ.കെ. പുഷ്പാകരന്‍, വി.കെ. കാസിം,റഷീദ് ഏറത്ത്,ഷാജു കെ.വി., സി.സി. അബ്ദുള്‍കരീം,എന്‍.വി. ശിവദാസന്‍,ഇ.എച്ച്. സഗീര്‍, ഉണ്ണികൃഷ്ണന്‍ പേര്യയില്‍ സംസാരിച്ചു.