കടമേരി: റഹ്മാനിയ്യ അറബിക് കോളജിലെയും അഫിലിയേറ്റഡ് സ്ഥാപനങ്ങളുടെയും 2020-21 വര്‍ഷത്തെ ഓണ്‍ലൈന്‍ ക്ലാസിന്റെ ഉദ്ഘാടനം ഇന്ന് നടക്കും. റഹ്മാനിയ്യ പ്രിന്‍സിപ്പല്‍ എം.ടി അബ്ദുല്ല മുസ്‌ലിയാര്‍ ഉദ്ഘാടനം ചെയ്യും. മാനേജര്‍ ചീക്കിലോട്ട് കുഞ്ഞബ്ദുല്ല മുസ്‌ലിയാര്‍ അധ്യക്ഷത വഹിക്കും. സംഗമത്തില്‍ മുടിക്കോട് മുഹമ്മദ് മുസ്‌ലിയാര്‍, കോഡൂര്‍ മുഹ്‌യുദ്ദീന്‍ മുസ്‌ലിയാര്‍, യൂസുഫ് മുസ്‌ലിയാര്‍ മലപ്പുറം, മാണിയൂര്‍ അബ്ദുല്‍ ഖാദര്‍ ഖാസിമി, സി.എച്ച് മഹ്മൂദ് സഅദി, ചിറക്കല്‍ ഹമീദ് മുസ്‌ലിയാര്‍, അബ്ദുല്ല ബാഖവി വാളാട് പ്രസംഗിക്കും.
സി.എച്ച് അബ്ദുസ്സമദ് റഹ്മാനി, കബീര്‍ റഹ്മാനി മണലിപ്പുഴ, യൂസുഫ് റഹ്മാനി ചെമ്പ്രശ്ശേരി, റഷീദ് റഹ്മാനി പയ്യനാട്, റാഷിദ് അശ്അരി കുമ്മംങ്കോട്, ഉനൈസ് റഹ്മാനി വളാഞ്ചേരി, അനസ് റഹ്മാനി അതിരുമട തുടങ്ങിയവര്‍ സംബന്ധിക്കും. ഓണ്‍ലൈന്‍ ക്ലാസിന്റെ സമയക്രമവും നിര്‍ദേശങ്ങളും റഹ്മാനിയ്യ വെബ്‌സൈറ്റില്‍ ലഭ്യമാണ്.