ചങ്ങനാശ്ശേരി: മാലിന്യ സംസ്‌കരണം താറുമാറായതോടെ ദുര്‍ഗന്ധം മൂലം ദുരിതമനുഭവിക്കുകയാണ് നഗരവാസികള്‍.പ്രധാന ജങ്ഷനുകളിലും ഇടറോഡുകളിലുമെല്ലാം മാലിന്യം കുമിഞ്ഞ കൂടിയ അവസ്ഥയാണ്.ഇതു മൂലം റോഡിലൂടെ യാത്ര ചെയ്യാന്‍ കഴിയുന്നില്ല. ഫാത്തിമാപുരം മാലിന്യ സംസ്‌കരണ കേന്ദ്രത്തിന്റെ പ്രവര്‍ത്തനം നിലച്ചതും ബദല്‍ സംവിധാനം ഏര്‍പ്പെടുത്തുന്നതില്‍ നഗരസഭയുടെ ഭാഗത്തു നിന്നുണ്ടായ വീഴ്ചയുമാണ് പ്രശ്‌നം രൂക്ഷമാക്കിയത്. അടിയന്തര പ്രാധാന്യമുളള പ്രശ്‌നമായിട്ടും ശാശ്വത പരിഹാരം കാണാന്‍ അധികൃതര്‍ക്ക് ഇനിയും കഴിഞ്ഞിട്ടില്ല.