മുക്കം: ആനയാംകുന്ന് വി.എം.എച്ച്.എം ഹൈസ്‌കൂളിലെ സ്റ്റുഡന്റ് പൊലിസ് കേഡറ്റിന്റെ നേതൃത്വത്തില്‍ ലഹരിക്കെതിരേ ഒരുവര്‍ഷം നീണ്ടുനില്‍ക്കുന്ന കാംപയിനിന് തുടക്കമായി. ഇതിന്റെ ഭാഗമായി 'അരുത് ചങ്ങാതീ...' എന്ന പേരില്‍ ബോധവല്‍ക്കരണ ക്ലാസ് സംഘടിപ്പിച്ചു. പരിപാടി സിവില്‍ പൊലിസ് ഓഫിസര്‍ കെ.കെ ഷമീര്‍ ഉദ്ഘാടനം ചെയ്തു. സംസ്ഥാന പൊലിസ് ബോഡി ബില്‍ഡിങ് ചാംപ്യനായ കെ.പി ഷിഹാസ് ബോധവല്‍ക്കരണ ക്ലാസിനു നേതൃത്വം നല്‍കി. പ്രധാനാധ്യാപകന്‍ തോമസ് മാത്യു അധ്യക്ഷനായി. പി.കെ ശരീഫുദ്ദീന്‍, അനില്‍ ശേഖര്‍, അബ്രഹാം വില്‍സന്‍, ഇസ്ഹാഖ് കാരശ്ശേരി സംസാരിച്ചു. സ്റ്റാഫ് സെക്രട്ടറി എന്‍.കെ രത്‌നശ്രീ സ്വാഗതവും എസ്.പി.സി കമാന്റര്‍ അഖിന രവീന്ദ്രന്‍ നന്ദിയും പറഞ്ഞു.