ന്യൂഡല്‍ഹി: പ്രമുഖ ചിത്രകാരന്‍ കെ.ദാമോദരന്‍ ഡല്‍ഹിയില്‍ അന്തരിച്ചു. 86 വയസായിരുന്നു. തലശേരി സ്വദേശിയായ ദാമോദരന്‍ ദീര്‍ഘകാലമായി ഡല്‍ഹിയിലായിരുന്നു താമസം. വിഖ്യാത ചിത്രകാരന്‍ കെ.സി.എസ് പണിക്കരുടെ ശിഷ്യനാണ്.

കേരള ലളിത കലാ അക്കാദമി അവാര്‍ഡ്, തമിഴ്‌നാട് സര്‍ക്കാര്‍ അവാര്‍ഡ്, സാഹിത്യ കലാ പരിഷത്ത് അവാര്‍ഡ് തുടങ്ങി ഒട്ടേറെ ബഹുമതികള്‍ ലഭിച്ചിട്ടുണ്ട്.
കെ.സി.എസ്. പണിക്കരുടെ കീഴില്‍ മദ്രാസ് കോളജ് ഓഫ് ആര്‍ട്‌സ് ആന്‍ഡ് ക്രാഫ്റ്റ്‌സില്‍ ആയിരുന്നു പഠിച്ചത്. പ്രമുഖ ചിത്രകാരി ടി.കെ.പദ്മിനിയെ 1968ല്‍ വിവാഹം കഴിച്ചു. പദ്മിനി 1969-ല്‍ പ്രസവത്തെ തുടര്‍ന്ന് മരിച്ചു. മദ്രാസിലെ പഠനത്തിനുശേഷം ഡല്‍ഹിലായിരുന്നു നിരവധി വര്‍ഷങ്ങള്‍ അദ്ദേഹം വസിച്ചിരുന്നത്.