സ്വന്തം ലേഖകര്‍
കൊവിഡ് ബാധിച്ച് വിദേശത്ത് മൂന്നുമലയാളികള്‍കൂടി മരിച്ചു. മെക്‌സിക്കോയിലും ഖത്തറിലും സഊദിയിലുമാണ് മരണം. മുള്ളൂര്‍ക്കര വാഴക്കോട് സ്വദേശി കപ്പാരത്ത് വീട്ടില്‍ പരേതനായ ശങ്കരന്‍ കുട്ടി നായരുടെ മകന്‍ വേണുഗോപാലന്‍ (52) ആണ്‌സഊദിയില്‍ മരണപ്പെട്ടത്.
ഇദ്ദേഹം കൊവിഡ് ബാധിച്ച് ചികിത്സയിലായിരുന്നു. ഭാര്യ: സരസ്വതി (സുന്ദരി). മക്കള്‍: അനീഷ്, അശ്വതി.
തിരുവമ്പാടി പൊന്നാങ്കയം നെടുങ്കൊമ്പില്‍ പരേതനായ വര്‍ക്കിയുടെ മകള്‍ സിസ്റ്റര്‍ അഡല്‍ഡ(ലൂസി -67)യാണ് മെക്‌സികോയില്‍ മരിച്ചത്. മദര്‍ തെരേസ സ്ഥാപിച്ച സിസ്റ്റേഴ്‌സ് ഓഫ് ചാരിറ്റി സന്യാസ സഭയിലെ അംഗമായിരുന്ന ലൂസി, മെക്‌സികോയില്‍ മിഷനറി പ്രവര്‍ത്തനം നടത്തിവരികയായിരുന്നു. സഹോദരങ്ങള്‍: മേരി ജോസ് കല്ലറയ്ക്കല്‍(വാലില്ലാപ്പുഴ),പരേതനായ മാത്യു,പരേതനായ വക്കച്ചന്‍(കോടഞ്ചേരി),അച്ചാമ്മ,ജെസി വര്‍ഗീസ് മാവേലില്‍(നിലമ്പൂര്‍),സൈമണ്‍,പയസ്. തിരുവനന്തപുരം മണക്കാട് താമസിക്കുന്ന ആറ്റിങ്ങല്‍ ആലങ്കോട് സ്വദേശി ഷഫീലാ മന്‍സിലില്‍ അബ്ദുല്‍ റഹീം അബ്ദുല്‍ കലാം(61) ആണ് ഖത്തറില്‍ മരിച്ചത്. ഭാര്യ: ഷക്കീല. മകള്‍: ജാമിഷ, മരുമകന്‍: സൈഫുദ്ധീന്‍.