ഉദുമ: ജില്ലാതല ബാലപാര്‍ലമെന്റ് ഉദുമ ഗവ. ഹയര്‍ സെക്കന്‍ഡറി സ്‌കൂളില്‍ അസിസ്റ്റന്റ് പബ്ലിക് പ്രൊസിക്യൂട്ടര്‍ എം ആശാലത ഉദ്ഘാടനം ചെയ്തു. ഉദുമ പഞ്ചായത്ത് പ്രസിഡന്റ് കെ.എ മുഹമ്മദലി അധ്യക്ഷനായി. ഉദുമ ഗവ. ഹൈസ്‌കൂള്‍ പ്രധാനധ്യാപകന്‍ എം.കെ വിജയന്‍, കുടുംബശ്രീ എ.ഡി.എം സി.സി ഹരിദാസന്‍, ബാലസഭ കണ്‍സള്‍ട്ടന്റ് ശ്രീപ്രഭ കൃപേഷ് സംസാരിച്ചു. കുടുംബശ്രീ ജില്ലാമിഷന്റെ നേതൃത്വത്തില്‍ ബാലസഭ അംഗങ്ങള്‍ക്കായാണ് ബാലപാര്‍ലമെന്റ് സംഘടിപ്പിക്കുന്നത്. ജനാധിപത്യ സംവിധാനം, നിയമവ്യവസ്ഥ, പാര്‍ലമെന്റ് സംവിധാനം എന്നിവയില്‍ ക്ലാസ്സുകളും നടന്നു.