ബെയ്ജിങ്: ലഡാക്കിലെ ഇന്ത്യ-ചൈന അതിര്‍ത്തിയില്‍ സൈനികര്‍ തമ്മില്‍ കായികമായി ഏറ്റുമുട്ടുകയും ഏതാനും പേര്‍ കൊല്ലപ്പെടുകയും ചെയ്തതിനിടെ അതിര്‍ത്തി ലംഘനത്തില്‍ പ്രതിഷേധിച്ച് ചൈന. ചൈനയുടെ ഉപ വിദേശകാര്യ മന്ത്രി ലുവോ സോഹുയിയും ഇന്ത്യന്‍ അംബാസഡര്‍ വിക്രം മിസ്രിയും തമ്മില്‍ നടന്ന കൂടിക്കാഴ്ചയിലാണ് ചൈന പ്രതിഷേധം അറിയിച്ചത്. 

തിങ്കളാഴ്ച നടന്ന സംഘര്‍ഷമാണ് ചര്‍ച്ചയായതെന്നും എന്നാല്‍ തന്നെ വിളിച്ചുവരുത്തി പ്രതിഷേധം അറിയിച്ചതല്ലെന്നും മിസ്രി പറഞ്ഞു. ലുവോ നേരത്തെ ഇന്ത്യയിലെ ചൈനീസ് അംബാസഡറായിരുന്നു. സംഘര്‍ഷത്തില്‍ സൈനികര്‍ കൊല്ലപ്പെട്ടതിന്റെ വിശദാംശങ്ങള്‍ തങ്ങള്‍ ചര്‍ച്ച ചെയ്തില്ലെന്നും മിസ്രി പറഞ്ഞു.