നരിക്കുനി: മടവൂര്‍ സി.എം മഖാം ശരീഫിലെ 26 ാം ഉറൂസ് മുബാറക് അന്നദാനത്തോടെ സമാപിച്ചു. ഇന്നലെ രാവിലെ ആറിന് തുടങ്ങിയ ഭക്ഷണ വിതരണം വൈകിട്ട് ആറുവരെ തുടര്‍ന്നു. ഭക്ഷണവിതരണത്തിന് കെ.സി.ആലി, വി. ശാഫി എന്നിവരുടെ നേതൃത്വത്തിലുള്ള ഭക്ഷണ കമ്മിറ്റി നേതൃത്വം നല്‍കി.
അഞ്ചു ദിവസമായി മഖാം സിയാറത്ത്, കൊടികയറ്റം, മതപ്രഭാഷണം, ഹജ്ജ് പഠനക്ലാസ്, മജ്‌ലിസുന്നൂര്‍, ദിക്‌റ്-ദുആ സമ്മേളനം തുടങ്ങിയ പരിപാടികളില്‍ സയ്യിദ് സ്വാദിഖലി ശിഹാബ് തങ്ങള്‍, സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍, കുമരംപുത്തൂര്‍ എ.പി മുഹമ്മദ് മുസ്‌ലിയാര്‍, പ്രൊഫ. കെ. ആലിക്കുട്ടി മുസ്‌ലിയാര്‍, കോട്ടുമല ടി.എം. ബാപ്പു മുസ്‌ലിയാര്‍, സയ്യിദ് സൈനുല്‍ ആബിദീന്‍ തങ്ങള്‍, സയ്യിദ് മുഹമ്മദ് കോയ തങ്ങള്‍ ജമലുല്ലൈലി, സയ്യിദ് നാസര്‍ ഹയ്യ് തങ്ങള്‍, വാവാട് പി.കെ.കുഞ്ഞിക്കോയ മുസ്‌ലിയാര്‍, എ.വി. അബ്ദുറഹിമാന്‍ മുസ്‌ലിയാര്‍, ഹസന്‍ ഫൈസി എറണാകുളം, കാളാവ് സൈതലവി മുസ്‌ലിയാര്‍, ഓണംപിള്ളി മുഹമ്മദ് ഫൈസി, ബശീര്‍ ഫൈസി ദേശമംഗലം, സി. മോയിന്‍കുട്ടി, വി.എം. ഉമ്മര്‍മാസ്റ്റര്‍ തുടങ്ങിയവര്‍ സംബന്ധിച്ചു.
ഉറൂസ് മുബാറകിന്റെ വിജയകരമായ നടത്തിപ്പിന് സി.എം.കുഞ്ഞിമാഹിന്‍ മുസ്‌ലിയാര്‍, ടി.പി.സി.മുഹമ്മദ്‌കോയ ഫൈസി, മൂത്താട്ട് അബ്ദുറഹിമാന്‍, യു.ശറഫുദ്ദീന്‍ മാസ്റ്റര്‍, കെ.എം.മുഹമ്മദ് മാസ്റ്റര്‍, എ.പി.നാസര്‍ മാസ്റ്റര്‍, പി.പി.ജലീല്‍ ബാഖവി, ഫൈസല്‍ ഫൈസി, വി.സി റിയാസ്ഖാന്‍, യു.വി.മുഹമ്മദ് മൗലവി, വി.ശാഫി, വി.പി.സി ഇസ്മാഈല്‍ മാസ്റ്റര്‍, പി. അസീസ് മുസ്‌ലിയാര്‍, പി.യു.സ്വാലിഹ്, മില്ലത്ത് ബശീര്‍, ഹാരിസ് അശ്അരി, അബ്ദുല്‍ ഗനിയ്യ് ഫൈസി, ടി. അബൂബക്കര്‍, കെ. നാസര്‍ മാസ്റ്റര്‍, ടി.കെ. കുഞ്ഞിമാഹിന്‍ ഹാജി എന്നിവര്‍ നേതൃത്വം നല്‍കി.