തിരുവനന്തപുരം: മുന്‍ വര്‍ഷങ്ങളില്‍ നിര്‍മിച്ച വാഹനങ്ങളുടെ തിയതി മാറ്റി തെറ്റിദ്ധരിപ്പിച്ച് വില്‍പന നടത്തിയ സ്ഥാപനങ്ങളുടെ സര്‍ട്ടിഫിക്കറ്റ് റദ്ദാക്കി. കോഴിക്കോട് ജില്ലയിലെ ക്ലാസിക് സ്‌ക്രൂബൈക്ക്‌സ്, എ.കെ.ബി മോട്ടോര്‍സ്, ഫ്‌ളെക്‌സ് മോട്ടോര്‍സ്, കെ.വി.ആര്‍ മോട്ടോര്‍സ്, കോട്ടയത്തെ എസ്.ജി മോട്ടോര്‍സ്, ടി.വി.സുന്ദരം ഐയ്യങ്കാര്‍ ആന്‍ഡ് സണ്‍സ,് ആലപ്പുഴയിലെ മീനത്ത് ഓട്ടോ സെന്റര്‍, എ.എസ്.ടി മോട്ടോര്‍സ്, തിരുവനന്തപുരത്തെ മരിക്കാര്‍ മോട്ടോര്‍സ് എന്നിവര്‍ക്ക് വാഹനങ്ങള്‍ പ്രദര്‍ശിപ്പിച്ച് വില്‍ക്കുന്നതിനും വില്‍പനാനന്തര സേവനങ്ങള്‍ക്കുമായി നല്‍കിയ സര്‍ട്ടിഫിക്കറ്റുകള്‍ താല്‍ക്കാലികമായി റദ്ദ് ചെയ്തത്. ജില്ലാ റീജിയണല്‍ അതോറിറ്റികളാണ് ഉത്തരവിറക്കിയത്.