കുന്ദമംഗലം: കുറ്റിക്കാട്ടൂര്‍ മുസ്‌ലിം യതീംഖാന കമ്മിറ്റിയുടെ കീഴില്‍ വരുന്ന ശംസുല്‍ ഹുദാ ഇസ്‌ലാമിക്ക് അക്കാദമിയില്‍ പുതുതായി പ്രവേശനം നേടിയ വിദ്യാര്‍ഥികളുടെ സംഗമവും ക്ലാസുല്‍ഘാടനവും എസ്.കെ.എസ.്എസ്.എഫ് ജില്ലാ പ്രസിഡന്റ് സയ്യിദ് മുബശ്ശിര്‍ തങ്ങള്‍ ജമലുല്ലൈലി നിര്‍വഹിച്ചു.
ദാറുല്‍ ഹുദാ ഇസ്‌ലാമിക് യൂനിവേഴ്‌സിറ്റി ഫിഖ്ഹ് ഡിപ്പാര്‍ട്ട്‌മെന്റ് തലവന്‍ ഡോ. ജഅ്ഫര്‍ ഹുദവി കൊളത്തൂര്‍ മുഖ്യപ്രഭാഷണം നിര്‍വഹിച്ചു. യതീംഖാന പ്രസിഡന്റ് എ.ടി ബഷീര്‍ ഹാജി അധ്യക്ഷനായി. സെക്രട്ടറി ഇ.എം കോയ ഹാജി സ്വാഗതവും ശംസുല്‍ ഹുദാ പ്രിന്‍സിപ്പല്‍ ഉനൈസ് ഹുദവി കൂട്ടിലങ്ങാടി രക്ഷിതാക്കള്‍ക്കുള്ള നിര്‍ദേശവുംനല്‍കി.
ബീരാന്‍ഹാജി കാരന്തൂര്‍, എന്‍.പി കോയഹാജി, അബ്ബാസ് ഹാജി, സിംല മൂസ കോയ ഹാജി, പൊതാത്ത് മുഹമ്മദ്ഹാജി, പി.പി അബ്ദുറഹ്മാന്‍ഹാജി, എം. സലീല്‍, പൊതാത്ത് അലവി ഹാജി, മന്‍ഹാ മുഹ്‌സിന്‍ പങ്കെടുത്തു.