തൃക്കുന്നപ്പുഴ: സൂഫിവര്യനും പണ്ഡിത ശ്രേഷ്ഠനുമായിരുന്ന മര്‍ഹൂം പല്ലന ഉസ്താദ് ആണ്ട് നേര്‍ച്ചക്കും മതവിജ്ഞാന സദസിനും പല്ലന മുസ്‌ലിം ജമാഅത്തില്‍ തുടക്കമായി.പല്ലന ഉസ്താദ് നഗറില്‍ മൂന്ന് ദിവസങ്ങളിലായി നടക്കുന്ന പരിപാടികള്‍ നാളെ സമാപിക്കും. പല്ലന ഉസ്താദ് അനുസ്മരണ സമ്മേളനം പല്ലന മുസ്‌ലിം ജമാഅത്ത് പ്രസിഡന്റ് സി.എച്ച് സാലി ഉദ്ഘാടനം ചെയ്തു.
കേരള മുസ്‌ലിം ജമാഅത്ത് ജില്ലാ പ്രസിഡന്റ് ഡോ. എം.എം ഹനീഫ് മൗലവി മുഖ്യപ്രഭാഷണം നടത്തി. പുണ്യാത്മാക്കളുടെ ജീവിതം വിശ്വാസികള്‍ മാതൃകയാക്കണമെന്ന് ഹനീഫ് മൗലവി പറഞ്ഞു.എല്ലാ മത വിഭാഗങ്ങളുടെയും ആദരവും സ്‌നേഹവും പിടിച്ചുപറ്റിയ വിശിഷ്ട വ്യക്തിത്വത്തിനുടമയായിരുന്നു പല്ലന ഉസ്താദെന്ന് അദ്ദേഹം അനുസ്മരിച്ചു.സയ്യിദ് ഹാമിദ് ബാഫഖി തങ്ങള്‍ പ്രാര്‍ഥന നടത്തി.ജമാഅത്ത് സെക്രട്ടറി വി.കെ.പി സാലി അധ്യക്ഷത വഹിച്ചു.ഷരീഫ്, എം.എം ഷംസുദ്ദീന്‍, അബ്ദുല്‍വാഹിദ് ദാരിമി, റഷീദ്, മോഹനന്‍ പോച്ചയില്‍, ബാലന്‍, മേടയില്‍ അനില്‍കുമാര്‍, അനില്‍ ഡി കളത്തില്‍, എം ബി സജി മുട്ടത്ത് എന്നിവര്‍ സംസാരിച്ചു.
മതവിജ്ഞാന സദസിന് സി.എ മുഹമ്മദ് ഹനീഫ് ഫൈസി, നൗഫല്‍ ഫാളിലി എന്നിവര്‍ നേതൃത്വം നല്‍കി.ഇന്ന് വൈകിട്ട് ഏഴിന് നടക്കുന്ന ബുര്‍ദ മജ്‌ലിസിന് അന്‍സാരി മുസ്‌ലിയാര്‍ ആലപ്പുഴ നേതൃത്വം നല്‍കും.മുഹമ്മദ് സാജിദ് ബദ് രി കുമ്മനം മതപ്രഭാഷണം നടത്തും.തുടര്‍ന്ന് നടക്കുന്ന ദിക്‌റ്, ദുആ മജ്‌ലിസിന് സമസ്ത ജില്ലാ പ്രസിഡന്റ് സയ്യിദ് ഹാമിദ് ബാഫഖി തങ്ങള്‍ നേതൃത്വം നല്‍കും.സി.എ മുഹമ്മദ് ഹനീഫ് ഫൈസി, മാഹീന്‍ മുസ്‌ലിയാര്‍, ഷാഫി മുസ്‌ലിയാര്‍, ഹബീബ് മുസ്‌ലിയാര്‍, നവാസ് മഹ്‌ളരി, അബൂബക്കര്‍ മുസ്‌ലിയാര്‍, നജീം മന്നാനി, മുജീബ് മുസ്‌ലിയാര്‍ സംബന്ധിക്കും.