വെങ്ങപ്പള്ളി: കേരളത്തിലെ മുസ്‌ലിം സമുദായം നേടിയെടുത്ത വിദ്യഭ്യാസ, സാംസ്‌കാരിക പുരോഗതി സാധ്യമായത് പണ്ഡിതരോടെപ്പം സമുദായ നേതാക്കളും കൈകോര്‍ത്തപ്പോഴാണെന്ന് എസ്.കെ.എസ്.എസ്.എഫ് സംസ്ഥാന പ്രസിഡന്റ് പാണക്കാട് സയ്യിദ് ഹമീദലി ശിഹാബ് തങ്ങള്‍ പറഞ്ഞു. വെങ്ങപ്പള്ളി ശംസുല്‍ ഉലമാ ഇസ്‌ലാമിക് അക്കാദമിയുടെ ആഭിമുഖ്യത്തില്‍ സംഘടിപ്പിച്ച സ്വിന്‍ഫാന്‍ കോണ്‍ഫറന്‍സ് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
സമസ്ത ജില്ലാ പ്രസിഡന്റ് കെ.ടി ഹംസ മുസ്‌ലിയാര്‍ അധ്യക്ഷത വഹിച്ചു. സയ്യിദ് സാബിത്ത് റഹ്മാനി പ്രാര്‍ത്ഥന നടത്തി. പിണങ്ങോട് അബൂബക്കര്‍, ഓണമ്പിള്ളി മുഹമ്മദ് ഫൈസി, അഹമദ് വാഫി കക്കാട്, ഇബ്രാഹിം ഫൈസി പേരാല്‍ എന്നിവര്‍ വിവിധ സെഷനുകള്‍ക്ക് നേതൃത്വം നല്‍കി. എം. ഹസന്‍ മുസ്‌ലിയാര്‍, കെ.കെ അഹമദ് ഹാജി, ഇബ്‌റാഹിം ഫൈസി വാളാട്, അഷ്‌റഫ് ഫൈസി പനമരം, പി.സി ഇബ്രാഹിം ഹാജി, കെ.സി മമ്മുട്ടി മുസ്്‌ലിയാര്‍, മൊയ്തീന്‍ കുട്ടി പിണങ്ങോട്, പി.കെ ഹുസൈന്‍ ഫൈസി, നജ്മുദ്ദീന്‍ പൊഴുതന, പനന്തറ മുഹമ്മദ്, ഹനീഫല്‍ ഫൈസി, പി.സി ഉമര്‍, ജഅ്ഫര്‍ ഹൈതമി, സയ്യിദ് ശിഹാബുദ്ദീന്‍ തങ്ങള്‍, ടി.കെ അബൂബക്കര്‍ മൗലവി, അയ്യൂബ് മാസ്റ്റര്‍ മുട്ടില്‍, അഷ്‌റഫ് കേളോത്ത് സംസാരിച്ചു. ഖാസിം ദാരിമി പന്തിപ്പൊഴില്‍, എ.കെ സുലൈമാന്‍ മൗലവി, കുഞ്ഞിമുഹമ്മദ് ദാരിമി പ്രിസിഡീയം നിയന്ത്രിച്ചു. മുഹമ്മദ് കുട്ടി ഹസനി സ്വാഗതവും, മുഹ്‌യിദ്ദീന്‍ കുട്ടി യമാനി നന്ദിയും പറഞ്ഞു.