കിഴിശ്ശേരി: ശുചിത്വ ഹര്‍ത്താലിനിടെ ശേഖരിച്ച മാലിന്യങ്ങള്‍ കിഴിശ്ശേരി അങ്ങാടിയില്‍. പകര്‍ച്ചവ്യാധി പ്രതിരോധ പ്രവര്‍ത്തനങ്ങളുടെ ഭാഗമായി കുഴിമണ്ണ പഞ്ചായത്തില്‍ കഴിഞ്ഞ മൂന്നിനാണ് ശുചിത്വ ഹര്‍ത്താല്‍ നടത്തിയത്. പഞ്ചായത്തിലെ ആറ് അങ്ങാടികളില്‍ കടകളടച്ചായിരുന്നു ശുചിത്വ ഹര്‍ത്താല്‍. എന്നാല്‍ ഇത്തരത്തില്‍ കിഴിശ്ശേരി അങ്ങാടിയില്‍ നിന്നും ശേഖരിച്ച മാലിന്യങ്ങളാണ് ചാക്കിലാക്കി സൂക്ഷിച്ചിരിക്കുന്നത്. രണ്ട് ദിവസം കഴിഞ്ഞിട്ടും അത് അവിടെ നിന്ന് നീക്കം ചെയ്തിട്ടില്ല. ഏറെ തിരക്കുള്ള അങ്ങാടിയില്‍ മാലിന്യങ്ങള്‍ കൂട്ടിയിട്ടത് ജനങ്ങള്‍ക്ക് ബുദ്ധിമുട്ടായിട്ടുണ്ട്. പഞ്ചായത്തും ആരോഗ്യ വകുപ്പും ചേര്‍ന്ന് നടത്തിയ ശുചിത്വ ഹര്‍ത്താലില്‍ ശേഖരിച്ച മാലിന്യങ്ങള്‍ കിഴിശ്ശേരി അങ്ങാടിയുടെ ഹൃദയഭാഗത്തു തന്നെ നിക്ഷേപിച്ചതില്‍ പരക്കെ ആക്ഷേപം ഉയര്‍ന്നിട്ടുണ്ട്.