തിരുവനന്തപുരം: സായുധസേനാ വിഭാഗങ്ങളിലെ 72 സബ് ഇന്‍സ്‌പെക്ടര്‍മാര്‍ക്ക് ആംഡ് പൊലിസ് ഇന്‍സ്‌പെക്ടര്‍മാരായി സ്ഥാനക്കയറ്റം നല്‍കി സംസ്ഥാന പൊലിസ് മേധാവി ഉത്തരവായി.
സര്‍വിസ് സംബന്ധമായ പ്രശ്‌നങ്ങളും കോടതി കേസുകളും സമയബന്ധിതമായി സീനിയോറിറ്റി ലിസ്റ്റ് തയാറാക്കത്തതും കാരണം വര്‍ഷങ്ങളായി ഇവരുടെ സ്ഥാനക്കയറ്റം നടത്താന്‍ കഴിയാത്ത സ്ഥിതിയായിരുന്നു. സര്‍ക്കാരിന്റെയും പബ്ലിക് സര്‍വിസ് കമ്മിഷന്റെയും പൊലിസ് ആസ്ഥാനത്തിന്റെയും ഒത്തൊരുമിച്ചുള്ള പ്രവര്‍ത്തനത്തിലൂടെ ഇപ്പോള്‍ സ്ഥാനക്കയറ്റം സംബന്ധിച്ച് നിലവിലുള്ള പ്രശ്‌നങ്ങള്‍ പരിഹരിച്ചതാണ് ഇത്രയും പേരുടെ സ്ഥാനക്കയറ്റത്തിന് വഴിയൊരുക്കിയത്.