ചെറുപുഴ: ഓഫിസറില്ലാതെ ചെറുപുഴ പൊലിസ് സ്റ്റേഷന്‍ പ്രവര്‍ത്തനം അവതാളത്തില്‍. നിലവിലുള്ള എസ്.ഐ ട്രെയിനിങിനായി ഡല്‍ഹിയില്‍ പോയതും എ.എസ്.ഐ വിരമിച്ചതുമാണ് ഈ ദുരവസ്ഥയ്ക്ക് കാരണം. ചെറുപുഴ സ്റ്റേഷനില്‍ നിലവില്‍ അടുത്തിടെ വന്ന ഒരു എ.എസ്.ഐയും ഏതാനും പൊലിസുകാരും മാത്രമാണുള്ളത്. പൊലിസ് വേരിഫിക്കേഷന്‍ സര്‍ട്ടിഫിക്കറ്റ് മുതല്‍ നിരവധി കടലാസുകളാണ് ഹൗസ് ഓഫിസര്‍ ഒപ്പിടാനില്ലാത്തതിനാല്‍ കെട്ടിക്കിടക്കുന്നത്. ജീവനക്കാരുടെ എണ്ണക്കുറവിലും സ്ഥലപരിമിതിയിലും വീര്‍പ്പുമുട്ടുന്ന സ്റ്റേഷന്റെ പ്രവര്‍ത്തനം മെച്ചപ്പെടുത്താന്‍ ആവശ്യമായ സൗകര്യം സര്‍ക്കാര്‍ ചെയ്യമണമെന്നാണ് നാട്ടുകാരുടെ ആവശ്യം.