തൃക്കരിപ്പൂര്‍: മുനവ്വിര്‍ വിദ്യാഭ്യാസ സമുച്ചയ ഉദ്ഘാടന സമ്മേളനത്തിനു തുടക്കമായി. സമ്മേളന പ്രചാരണത്തിന്റെ ഭാഗമായി ഇന്നലെ വൈകിട്ട് നാലിന് ബീരിച്ചേരി മഖാം സിയാറത്തോടുകൂടി ആരംഭിച്ച വിളംബര റാലി ദഫ് സംഘത്തിന്റെ അകമ്പടിയോടുകൂടി ടൗണ്‍ ചുറ്റി സമ്മേളന നഗരിയായ വി.പി.പി മുഹമ്മദ് കുഞ്ഞി പട്ടേലര്‍ നഗറില്‍ സമാപിച്ചു.
സമ്മേളനത്തിനു തുടക്കം കുറിച്ച് നഗരിയില്‍ സ്വാഗതസംഘം ചെയര്‍മാന്‍ ടി.പി കുഞ്ഞബ്ദുല്ല ഹാജി പതാക ഉയര്‍ത്തി. ഏഴിന് പ്രാരംഭ സമ്മേളനം പാണക്കാട് സയ്യിദ് സ്വാദിഖലി ശിഹാബ് തങ്ങള്‍ ഉദ്ഘാടനം ചെയ്തു. വി.പി.പി അബ്ദുറഹീം ഹാജി അധ്യക്ഷനായി. അബ്ദുസമദ് പൂക്കോട്ടൂര്‍ മുഖ്യപ്രഭാഷണം നടത്തി. എം. അബ്ദുറഹ്മാന്‍, സി. റസാഖ് സംസാരിച്ചു. തുടര്‍ന്നു നടന്ന മജ്‌ലിസുന്നൂര്‍ കൂട്ടുപ്രാര്‍ഥനക്ക് ചെറുവാളൂര്‍ ഹൈദ്രോസ് മുസ്‌ലിയാര്‍ നേതൃത്വം നല്‍കി. ഇന്നു വൈകിട്ട് നാലിന് എം. രാജഗോപാലന്‍ എം.എല്‍.എ സാംസ്‌കാരിക സമ്മേളനം ഉദ്ഘാടനം ചെയ്യും. പ്രോഗ്രാം കമ്മിറ്റി ചെയര്‍മാന്‍ അഡ്വ. എം.ടി.പി അബ്ദുല്‍ കരീം അധ്യക്ഷനാകും.
കലക്ടര്‍ കെ. ജീവന്‍ ബാബു മുഖ്യാതിഥിയായിരിക്കും അഡ്വ. ഫൈസല്‍ ബാബു മുഖ്യപ്രഭാഷണം നടത്തും.
സ്വാമി വിശ്വ ഭദ്രാനന്ദ ശക്തിബോധി, ഫാദര്‍ ജോസഫ് തണ്ണിക്കോട്ട്, 'സുപ്രഭാതം' എക്‌സിക്യൂട്ടിവ് എഡിറ്റര്‍ എ. സജീവന്‍, എം.സി ഖമറുദ്ദീന്‍, അഡ്വ. കെ.കെ രാജേന്ദ്രന്‍, ഡോ.വി.പി.പി മുസ്തഫ എന്നിവര്‍ സംസാരിക്കും. വൈകിട്ട് ഏഴിനു മത വിജ്ഞാന സദസ് ഷാജിഹു ശമീര്‍ അല്‍ അസ്ഹരി ഉദ്ഘാടനം ചെയ്യും. എന്‍. ഷഹനാസ് അലി അധ്യക്ഷനാകും.
ജലീല്‍ റഹിമാനി വാണിയന്നൂര്‍ മുഖ്യപ്രഭാഷണം നടത്തും. എം.പി ഹസന്‍ മുസ്‌ലിയാരുടെ നേതൃത്വത്തില്‍ കൂട്ടുപ്രാര്‍ഥന നടക്കും.