മാന്നാര്‍: ഐസ് പ്ലാന്റുകളില്‍ ഫോര്‍മാലിന്‍ ഉപയോഗിക്കുന്നുവെന്ന പരാതിയെ തുടര്‍ന്ന് ഫിഷറീസ് വകുപ്പ് ജില്ലയിലെ വിവിധ ഐസ് പ്ലാന്റുകളില്‍ പരിശോധന ആരംഭിച്ചു.
കായംകുളം മുതല്‍ പുന്നപ്ര വരെയുള്ള പ്രദേശങ്ങളിലെ ഐസ് പ്ലാന്റുകളിലാണ് ആദ്യ ഘട്ട പരിശോധന നടത്തിയത്. ഇവിടെ നിന്നും വെള്ളത്തിന്റെ സാമ്പിളുകള്‍ ശേഖരിച്ച് പരിശോധനയ്ക്ക് അയച്ചു.
വരും ദിവസങ്ങളില്‍ ഭക്ഷ്യ സുരക്ഷാ വകുപ്പുമായി ചേര്‍ന്ന് പരിശോധന വ്യാപിപ്പിക്കും. മത്സ്യങ്ങളുമായി വരുന്ന ലോറികള്‍ പരിശോധനയ്ക്ക് വിധേയമാക്കും.
മാന്നാര്‍ ഫിഷറീസ് സബ് ഇന്‍സ്‌പെക്ടര്‍ എം. ദീപുവിന്റെ നേത്യത്വത്തില്‍ നടത്തിയ പരിശോധനയില്‍ ഫിഷറീസ് വകുപ്പിലെ സുരേഷ്‌കുമാര്‍, സിന്ധുരാജ്, കമലേഷ്, എന്നിവര്‍ പങ്കെടുത്തു.