ആലപ്പുഴ: പള്ളിയറ സ്‌കൂളില്‍ പുതുതായി ആരംഭിച്ച് സ്മാര്‍ട്ട് ക്ലാസ് റൂം, നവീകരിച്ച ക്ലാസ് റൂമുകള്‍ എന്നിവയുടെ ഉദ്ഘാടനം അഡ്വ. യു. പ്രതിഭ എം.എല്‍.എ നിര്‍വഹിച്ചു.
സ്‌കൂളില്‍ പുതുതായി ആരംഭിച്ച വിവിധ പദ്ധതികളുടെ ഉദ്ഘാടനവും എം.എല്‍.എ നിര്‍വ്വഹിച്ചു. സ്‌കൂളിലേക്കാവശ്യമുള്ള ആധുനിക സൗകര്യങ്ങളുള്ള പാചകപുരയുടെ നിര്‍മാണം ഉടന്‍ ആരംഭിക്കുമെന്ന് പത്തിയൂര്‍ ഗ്രാമപഞ്ചായത്ത് പ്രസിഡന്റ് വി. പ്രഭാകരന്‍ പറഞ്ഞു. ഇതിനായുള്ള ഫണ്ട് പഞ്ചായത്തില്‍ നിന്നും നല്‍കും. സ്‌കൂള്‍ മാനേജര്‍ മജ്ഞു പുളിയറ, ഗ്രാമപഞ്ചായത്ത് വൈസ് പ്രസിഡന്റ് ലീല ഗോകുല്‍, ആര്‍. അനന്ദന്‍, പ്രകാശ്, ജയകുമാരി, സുനില്‍, കെ. മോഹന്‍കുമാര്‍, കല, ബൈജു, ജി. ഹരികുമാര്‍, സുധാമണി എന്നിവര്‍ പ്രസംഗിച്ചു.