അടിമാലി: ബൈസന്‍വാലിയില്‍ അമ്മയ്ക്കും സഹോദരനുമൊപ്പം പുഴയില്‍ കാണാതായ 11 മാസം പ്രായമുള്ള കിരണിനെ ഇന്നലെയും കണ്ടെത്താനായില്ല. 40 ഏക്കര്‍ വിയജ് ഭവനില്‍ വിജയിയുടെ മകനാണ്.
ഇന്നലെ രാവിലെ മുതല്‍ പൊലിസിന്റെ സാന്നിദ്ധ്യത്തില്‍ നാട്ടുകാര്‍ പുഴയില്‍ തെരച്ചില്‍ നടത്തിയിരുന്നു.
ഉച്ചകഴിഞ്ഞ് എത്തിയ ഫയര്‍ഫോഴ്‌സ് ഉദ്യോഗസ്ഥരും പുഴയില്‍ വൈകിട്ട് അഞ്ചര വരെ നടത്തിയ അന്വേഷണവും വിഫലമായി.
ഇന്നും കുഞ്ഞിനായുള്ള തെരച്ചില്‍ നടത്തുമെന്ന് പൊലിസ് പറഞ്ഞു. തിങ്കളാഴ്ച രാവിലെ ഏഴരയോടെയാണ് വിജയിയുടെ ഭാര്യ ഇന്ദിരയെയും മക്കളായ ഗിരീഷിനെയും കിരണിനെയും പുഴയില്‍ കാണാതായത്.
ഭര്‍തൃമാതാവുമായി വഴക്കിട്ട് മക്കളുമായി വീടുവിട്ടറങ്ങിയതായിരുന്നു ഇന്ദിര. തെരച്ചിലിനിടയില്‍ കണ്ടെത്തിയ ഇന്ദിര, ഗിരീഷ് എന്നിവരുടെ സംസ്‌കാരം നടത്തിയിരുന്നു.