നാദാപുരം: വളയം മാമുണ്ടേരിയില്‍ ആര്‍.എം.പി പ്രവര്‍ത്തകനെ ആക്രമിക്കാനുള്ള മുഖംമൂടി സംഘത്തിന്റെ ശ്രമം.
ഇന്നലെ രാത്രി ഏഴരയോടെയാണ് മൂന്നംഗ സംഘം ബൈക്കിലെത്തി ആര്‍.എം.പി പ്രവര്‍ത്തകനായ എള്ളില്‍ നാണുവിന്റെ മകന്‍ കുട്ടുവിനെ ആക്രമിക്കാന്‍ ഒരുങ്ങിയത്. അക്രമികളെ കണ്ട്  ഇയാള്‍ അടുത്തുള്ള വീട്ടില്‍ അഭയം തേടുകയായിരുന്നു. അക്രമിസംഘം തൊട്ടടുത്ത ചെക്യാട്ടെ സി.പി.എം പ്രവര്‍ത്തകരാണെന്ന ആരോപണമുണ്ട്. കഴിഞ്ഞ ഏതാനും ദിവസമായി സി.പിഎം, മുസ്‌ലിം ലീഗ്  പ്രവര്‍ത്തകരുടെ വീടുകള്‍ടുക്കു നേരെ ബോംബേറ് നടന്നിരുന്നു. ഇന്നലെ വളയത്ത് ചേര്‍ന്ന സര്‍വകക്ഷി സമാധാനയോഗം ചേര്‍ന്ന് സമാധാനം നിലനിര്‍ത്താന്‍ തീരുമാനമെടുത്തതിന് പിന്നാലെയാണ് ഇന്നലെ രാത്രിയിലുണ്ടായ സംഭവം. വളയം പൊലിസില്‍ പരാതി നല്‍കി.