ന്യൂഡല്‍ഹി: പരിശുദ്ധ ഹജ്ജ് കര്‍മത്തിന് ഇത്തവണ ഇന്ത്യയില്‍ നിന്ന് തീര്‍ഥാടകരെ അയക്കില്ലെന്ന് കേന്ദ്രം. തീര്‍ഥാടകരെ അയക്കരുതെന്ന് സൗദി ഭരണകൂടം ആവശ്യപ്പെട്ടതിനെത്തുടര്‍ന്നാണ് തീരുമാനമെന്ന് കേന്ദ്ര ന്യൂനപക്ഷ കാര്യ മന്ത്രി മുഖ്താര്‍ അബ്ബാസ് നഖ്‌വി അറിയിച്ചു.

ഹജ്ജിന് അപേക്ഷിച്ചവരുടെ പണം പൂര്‍ണമായും തിരിച്ചുനല്‍കാനും തീരുമാനമായി. 2.3 ലക്ഷത്തിലധികം പേരാണ് ഇത്തവണ ഇന്ത്യയില്‍ നിന്ന് ഹജ്ജിന് അപേക്ഷ നല്‍കിയിരുന്നത്.